Use Sign Language For Inclusive Society

Speech to the Media on the International Deaf Week (IDW) before Deaf people from Arusha and Manyara Regions led by top leaders and officers from CHAVITA Headquarter engage in cleaning city market as part of a one week program to commemorate the IDW in Arusha.

WADAU WASAIDIE WATU WENYE ULEMAVU WA NGOZI (ALBINO) KUPATA MATIBABU YA SARATANI YA NGOZI

WATU wenye ulemavu wa ngozi (albino), wamekuwa wakisumbuliwa na maradhi ya ngozi hususan saratani ya ngozi.

Maradhi hayo hadi sasa, baadhi ya watu huyachukulia kuwa labda hayana tiba, hiyo inatokana na jamii kuwatelekeza wapatwapo na maradhi hayo. Jamii inapaswa kutambua kuwa maradhi hayo yana tiba kinyume inavyodhaniwa na baadhi ya watu. Kutokana na mazingira hayo, serikali kupitia Wizara ya Afya na Ustawi wa Jamii imeweka mazingira mazuri ya kuwapatia matibabu watu hao wenye wenye ulemavu wa ngozi. Mazingira hayo yatawasaidia albino kujikinga na ugonjwa huo wa saratani ya ngozi, kulinda afya zao.

Rai kama hiyo imekuwa ikitolewa mara kadhaa na baadhi ya wataalamu wa magonjwa hao. Miongoni mwa wataalamu hao baadhi yao ni madaktari Bingwa wa magonjwa ya ngozi na afya ya jamii kutoka Hosipitali ya Rufaa ya KCMC. Kauli kama hiyo waliwahi kuitoa wakati akitoa huduma kwa walemavu wa ngozi katika Hospitali ya Mkoa wa Mwanza ya Sekou Toure kupitia ufadhili wa shirika lisilo la kiserikali la Standing Voice.

Ushari huo unapaswa kufanyiwa kazi kwa sababu idadi ya watu wenye ulemavu wa ngozi nchini ni kubwa katika mikoa ya Kanda ya Ziwa. Ieleweke kuwa maradhi ya saratani ya ngozi ni tatizo kwa taifa hata hivyo, waathirika wakitibiwa mapema wanaweza kuepuka kupata kansa hiyo.

Aidha, ni wakati kwa wadau na taasisi mbalimbali kuungana kuwasaidia kimatibabu albino ambao  wanaonekana kupatwa na maradhi hayo. Kwa mfano kulikuwa na Shirika lisilokuwa la kiserikali lenye makao yake makuu nchini Uingereza (Standing Voice ni), limewahi  kufadhili huduma hiyo. Kipindi hicho shirika hilo liliamua kuwafadhili albino waliokuwa wakishindwa kusafiri kufuata huduma hiyo katika Hospitali ya KCMC au Ocean Road.

Tukubali kuwa tatizo hilo bado lipo na linazidi kukuwa katika maeneo mbalimbali nchini, hivyo basi kila Mtanzania atumie nafasi yake kuwasaidia watu hao wenye ulemavu wa ngozi.

Chanzo: Tanzania Daima

Tumikia kwa Huruma (Serve with Compassion)

Ilikuwa ni shughuli ya kusafisha masikio, kutibu matatizo madogo madogo ya masikio na kwa wale ambao ni viziwi walikuwa wakipimwa na kisha kutengenezewa "shimesikio" earmould yaani umbile la sikio kwa ajili ya kutengenezewa hearing aid. kazi hii ilikuwa inaendeshwa na wadhamin toka Marekani "STARKEY HEARING FOUNDATION" Manesi na Madaktari toka Sekoture pamoja na Walimu wanaofundisha watoto viziwi. Ilikuwa ni kwa watu wote wenye shida ya masikio pamoja na viziwi wa hapa Mwanza. Tulianza siku ya ijumaa tarehe 19/09 na kumalizika jumapili hii ya tarehe 21/09 hapa Nyanza S/M.

Mwl Fubusa (katikati) akiwa na wenzake
tayari kwa kuanza upimaji wa masikio

Mwl Fubusa akipima sikio la mwanafunzi

Habari hii imeandaliwa na Mwl Fubusa Esrom Ntibabala

Watoto wenye ulemavu wa akili wamekosa imani na jamii yao

Watoto wenye ulemavu wa akili katika kituo cha Faraja kilichopo wilaya ya Moshi mkoani Kilimanjaro wanalazimika kulala nyumba moja wavulana na wasichana kutokana na baadhi yao kukataa kurudi nyumbani kwao kwa kuhofia matendo ya ukatili wanaofanyiwa na jamii ikiwemo ubakaji na ulawiti.

Chanzo: ITV

Nani Ataomba Msamaha kwa Unyama wanaotendewa watu wenye Ulemavu?

Ni kawaida ya binadamu atambuapo kuwa alifanya kosa lenye kugharimu nafsi za watu kwa namna moja au nyingine huomba msamaha. Uingereza waliomba msamaha kwa kuanzisha biashara ya utumwa; Papa kwa niaba ya Warumi aliomba msamaha kwa unyama waliomfanyia Bwana Yesu; Ujerumani waliomba msamaha kwa unyama waliowafanyia Wayahudi kwa kuwaua takribani milioni sita Wayahudi hao.

Je, kwa unyama ambao watu wenye ulemavu waliwekwa kwenye chemba ya gesi wakati wa utawala wa Hitler nani ataomba msamaha?

Je, unyama uliofanywa kwa watu wenye ulemavu kwenye "Eugenics Movements-the war against the weak" nani ataomba msamaha?

Je, ni nani mwenye ujasiri atakaye kuja mbele za watu na kuomba msamaha kwa mauaji ya albino nchini Tanzania?

Je, ni nani atakayethubutu kuomba msamaha kwa tamaduni kandamizi kwa watu wenye ulemavu?

Cheti cha uthibitisho kuwa mtu hana ulemavu. Watu wote waliokutwa na ulemavu waliuawa

Tafadhali! Piga hatua moja tu ya kufikiri juu ya hili!

If you Don't help them; Don't hurt them

Every person needs to be respected and be regarded in every aspect of life. If you don't help other people for any reason, it is well with your soul, but don't hurt them.

This is relevant to the famous quote of Dalai Lama that; 

"Our prime purpose in this life is to help others. And if you can't help them, at least don't hurt them."

Think about it!

Ajali za barabarani zinaongeza idadi ya watu wenye ulemavu

Mojawapo ya vyanzo vya mtu kuupata ulemavu ni pamoja na ajali anuai kwenye mazingira yetu. Mifano ya ajali  ni pamoja na zile za magari, pikipiki, kwenye michezo nk.

Tujitahidi kuweka mazingira mazuri kwa watu wenye ulemavu mbalimbali ili wasipate ugumu wa kuishi. Sheria, sera na mipango iwe jumuishi, majengo na miundo mbinu yote kwenye mazingira iwe rafiki kwa watu wenye ulemavu. Jambo kubwa kuliko yote ni kujiweka sawa kisaikolojia namna ya kuishi pamoja, kuwapokea kwa dhati na kuwahudumia watu wenye ulemavu.

Nimeshuhudia marafiki wengi ambao maisha yao yalikuwa mazuri na yenye kuvuta furaha, waliishi kwa kudhani ulemavu ni kwa jirani yake tu; lakini mara baada ya kupata ulemavu wamepotea kabisa kwenye ramani ya jamii. Waliokuwa wanasiasa imara hawavumi tena, waliokuwa na uchumi mzuri wameyumba, waliokuwa wanajihisi wanathamani kuliko watu wenye ulemavu kwa sasa wanajiona si binadamu. Hizi zote ni athari za kuwa na mtazamo hasi juu ya ulemavu na watu wenye ulemavu.

Hakika Mungu aturehemu na kutuhurumia!