Saturday, March 28, 2015

Je, Tanzania imeshindwa kuwalinda albino?


Baraza la Haki za Binaadamu la Umoja wa Mataifa hapo limeamua kumteua mtaalamu wa kuchunguza maovu wanayotendewa watu wenye ulemavu wa ngozi ambao wamekuwa wakizidi kushambuliwa Afrika Mashariki. 

Baraza hilo la kutetea haki za binadamu la Umoja wa Mataifa lenye wanachama 47 lilipitisha azimio kwa kauli moja la kuundwa wadhifa wa mtaalamu wa kuchunguza maovu dhidi ya Albino ambaye atahudumu kwa kipindi cha miaka mitatu.

Baraza hilo limeeelezea wasiwasi mkubwa kutokana na mashambulizi na mauaji ya kikatili dhidi ya Albino wakiwemo wanawake, watoto, walemavu na wazee.

Azimio hilo liliwasilishwa na Algeria kwa niaba ya kundi la mataifa ya bara la Afrika baada ya Mkuu wa Kamisheni ya Kutetea Haki za Binadamu ya Umoja wa Mataifa, Zeid Ra'ad al-Hussein mapema mwezi huu kulaani vikali mashambulizi dhidi ya watu hao wenye ulemavu wa ngozi ambayo alisema yameongezeka katika nchi za kanda ya Afrika Mashariki.

Watu 15 wauawa ndani ya nusu mwaka

Katika kipindi cha miezi sita iliyopita, kiasi cha watu 15 wenye ulemavu wa ngozi wameuawa nchini Tanzania, Malawi na Burundi na albino wengine wametekwa nyara, kujeruhiwa kwa kakatwa viungo vya mwili na wengine wamelazimika kuyatoroka makaazi yao kuepuka ukatili huo.

Mashambulizi dhidi ya Albino huwa mara nyingi yanachochewa na imani za kishirikina kutokana na dhana potofu kuwa viungo vya watu wenye ulemavu wa ngozi husaidia waganga na wachawi kufanya matambiko yanayoleta utajiri na ufanisi.

Umoja wa Mataifa umeonya kuwa kuongezeka kwa mashambulizi dhidi ya Albino hasa nchini Tanzania katika kipindi cha hivi karibuni huenda kukahususishwa na uchaguzi mkuu unaotarajiwa kufanyika mwezi Oktoba mwaka huu, ambapo baadhi ya wanasiasa wanatafuta nguvu za kishirikina kujipatia ushindi katika uchaguzi huo.

Tanzania yapiga marufuku uganga

Serikali ya Tanzania ilipiga marufuku shughuli za kiganga nchini humo mwezi Januari kama sehemu ya hatua inazozichukua kukomesha ukatili dhidi ya Albino.

Kati ya watu 1,400 nchini humo ni Albino ikilinganishwa na takwimu zilizoko katika nchi za magharibi ambapo kati ya watu 20,000 mmoja ndiye Albino. Azimio hilo lililopitishwa hapo jana pia limeelezea wasiwasi wake kuwa katika baadhi ya sehemu duniani watu wenye ulemavu wa ngozi wanakabiliwa na unyanyapaa katika jamii na wanazuiwa kushiriki kikamilifu katika shughuli za kimaendeleo na kukabiliwa na vitendo vya ukiukaji wa haki zao za binadamu.

Umoja wa Mataifa umesema juhudi zaidi zinahitajika ili kuweza kushughulikia changamoto wanazokabiliana nazo Albino na mtaalamu huyo atakayeteuliwa na Rais wa baraza hilo la umoja wa Mataifa la kutetea haki za binadamu atakuwa na jukumu la kuripoti visa vya ukatili dhidi ya albino, kusaidia katika kufutilia mbali dhana potofu, unyanyapaa na mila zilizopitwa na wakati kuwahusu Albino.

Chanzo: DW

Monday, March 2, 2015

Mazingira ya Usalama zaidi kwa Albino ni yapi?

 











 Mkazi wa Kijiji cha Ihale, wilayani Busega, mkoani Simiyu, Naymer Hamis akiwa na mwanae Fatuma Ally baada ya kuwasili kwenye Kituo cha kulelea watoto wenye ulemavu wa ngozi cha Bikira Mariam wilayani humo. Mama huyo alifukuzwa na viongozi wa kijiji kwa madai ya usalama wa mtoto ni mdogo. Picha na Faustine Fabian 

Chanzo: Mwananchi Communications Ltd

Tuesday, February 24, 2015

Enzi za unyama zimerudia Tanzania




Zamani zile za biashara ya utumwa watu walitekwa na kupelekwa kusikojulikana! Walitenganishwa na familia zao kwa machungu.

Albino wanawindwa kama swala, kama sungura, wananyakuliwa kama vifaranga vya kuku mbele ya mwewe! Nina maumivu ya nafsi yangu na ya Watanzania wema wateswao kwa sababu ya hali ya ubinadamu wao.

Ninaendelea kusisitiza kuwa; wakishamalizwa hawa albino juu ya uso wa Tanzania watakaofuata ni binadamu wengine wenye ulemavu wa aina tofautitofauti, watu weupe, watu weusi, watu warefu, watu wafupi na wengine wengi wa aina nyingine ya haiba tofauti.

Napenda kuweka wazi kuwa watu wote wanaodhani kuwauwa albino ndio ushindi wa uchaguzi mkuu basi wamekosea mahesabu. Kwa sababu ya kilio cha damu isiyohatia ya hawa albino, natabiri anguko la wote wenye ushirikina huo!

Na alaaniwe kila amfikiriaye albino kwa nia mbaya ya kumwaga damu yake!
Watu wote na waseme amina...

Na alaaniwe kiongozi yeyote aliyeshinda uchaguzi mkuu kwa sababu ya kumwaga damu ya albino!
Watu wote na waseme amina...

Alaaniwe na asifanikiwe mtu awaye yote ambaye maisha yake yanategemea kumwaga damu ya albino!
Watu wote na waseme amina... 

Think Inclusively...Act Inclusively...Create an inclusive nation!

Albino wataka serikali ya Tanzania iwatafutie nchi ya kuishi kwa amani


JIJINI MWANZA, NCHINI TANZANIA, CHAMA WA WATU WENYE ULEMAVU WA NGOZI MKOANI HUMO KIMEITAKA SERIKALI YA TANZANIA KUELEZA KAMA IMESHINDWA KUWEKA ULINZI JUU YAO, NA KUWATAFUTIA NCHI NYINGINE YA KUISHI AMBAKO HAKUNA MATUKIO YA KUTEKWA NA KUUAWA KWA WATU WENYE ULEMAVU WA NGOZI. RAI HIYO WAMEITOA HII LEO WAKATI WAKITOA TAMKO LA KUTAKA KUJUA SERIKALI IMEFIKIA WAPI KATIKA KUWASAKA WALIOMTEKA MTOTO MWENYE ULEMAVU UPENDO EMMANUEL, ALIYETEKWA TAREHE 27.12. 2014 HUKO WILAYANI KWIMBA MKOANI MWANZA.

CHANZO: DW (Kiswahili)

Monday, February 23, 2015

Maandamano ya kupinga mauaji ya albino nchini Tanzania ni machi 15, 2015




By @mdimuz IMETOSHA CAMPAIGN UPDATE;
Tarehe 15 March ndio uzinduzi rasmi, tutatembea kwa miguu wilaya zote 3 za Dar es Salaam tutaanzia Leaders Club, tutapita ilala na kuishia TCC Club chang'ombe.
Matembezi ya jioni ushawahi kuona? Kuanzia 10 kamili mpaka 12 jioni?
Tutaimba na wasanii wetu, tutawasha mishumaa zaidi ya 10000 kukumbuka albino wote waliouwawa bila hatia na hapo ndio mwisho wa matatizo utakapotangazwa rasmi.

Bloggers wenzangu (Tanzania Bloggers Network) wamejitoa kuwa waratibu wa hii shughuli, kwa hali na mali.

Dr. Magufuli atoa msaada wa kumuuguza mama wa albino


Mama wa mtoto mwenye ualbino Bi. Esther Jonas aliyekatwa mapanga akijitahidi kuokoa mtoto wake aliyenyanganywa na kuuwawa kinyama kisha kunyofolewa viungo vyake amekabidhiwa msaada wa shilingi milioni moja zilizotolewa na mbunge wa Chato Dr. John Magufuli kwa ajili ya kumsaidia wakati akiuguzwa hospitali ya rufaa ya Bugando jijini Mwanza.
Bi. Esther Jonasi akipokea msaada wa fedha uliotolewa na Dr. Magufuli
                                                            

                                                                    Chanzo: ITV

Friday, February 20, 2015

Mhe. January Makamba alalama kuhusu mauaji ya albino


Mauaji ya ndugu zetu wenye ulemavu wa ngozi, yaani albino, ni ukatili usio na mfano. Serikali haipaswi kuwa na huruma katika kuwasaka na kuwaadhibu wanaofanya vitendo hivi. Ni muhimu pia kuweka utaratibu wa kuwalinda wenye ulemavu wa ngozi dhidi ya tishio la kutekwa na kuuwawa. Elimu kwa umma ni muhimu. Wanaofanya haya matendo wapo ndani ya jamii yetu. Tuweke utaratibu wa malipo kwa wasamaria wema wanaotoa habari kuhusu wahusika wa biashara ya viungo vya binadamu. Na tuweke utaratibu wa kuwalinda watoa habari hizi. Hili ni tatizo la kisheria lakini pia ni tatizo la imani za ushirikina na uchawi ndani ya jamii. Ni lazima kuyakabili mambo haya mawili kwa pamoja.

Albino killings is a big shame. We must not tolerate this cruelty and animism. We must hunt down the perpetrators and bring them to book. Tougher punishment is in order but we have to first make it easier for perpetrators to get caught. Public education is also a key. Perpetrators live amongst us. A reward scheme and witness protection for those who reveal them could work. Effective policing (security) too. This is a law and order issue (criminality) and also deeper social issue - widespread belief in witchcraft. Must tackle both.


‪#‎TanzaniaMpya ‪#‎StopAlbinoKillings