DEREVA ASIYE NA MIKONO NCHINI CHINA AZUIWA KUENDESHA GARI

Polisi nchini China wamemkamata mtu asiyekuwa na mikono akiendesha gari. Bwana huyo Wo Guo (45) si tu kwamba hakuwa na leseni bali alikuwa akitumia mguu wake wa kulia kubadili gia huku mguu wa kushoto ukikanyaga mafuta na breki.

Msemaji wa polisi amesema: "Ni jambo la ajabu, lakini ni hatari sana kwake kuendesha gari." Polisi huyo amesema itakuwa vyema kama ataajiri dereva wa kumuendesha. Gari la bwana Wo linashikiliwa na polisi ili kumzuia asiendelee kuendesha.

Bwana WO akiendesha gari

Bwana WO akihojiwa na askari polisi

Ukichunguza kwa makini juu ya jambo hili utagundua kuwa watu wenye ulemavu wana uwezo wa kufanya mambo mengi, wana vipaji vingi, wanaweza kuthubutu; lakini ulinzi na uangalizi kupita kiasi (overprotection) kutoka kwenye jamii zao unarudisha nyuma uthubutu wao.

Picha na taarifa kutoka Metro na CEN.