Unyanyapaa kwa watu wenye ulemavu huko Ughaibuni

Soma barua yenye kuonyesha chuki dhidi ya mtoto mwenye mtindio wa ubongo. Police mjini Ontario wanaendelea na uchunguzi kuhusu hiyo barua ya chuki kwa familia na mtoto wao mwenye ulemavu.

Katika barua hiyo, majirani hao wamependekeza mtoto huyo auwawe kwa kuwa anawapigia kelele.

Karla Begley ambaye ni Mama mzazi mtoto Max mwenye miaka 13 aliliambia gazeti la CityNews juu ya mtoto wake kufikwa na hiyo chuki wakati akiishi na bibi yake aitwaye Brenda Millson.
Haya yametokea katika mji wa Ontario nchini Canada.

Hii ni barua iliyowataka kuondoka hapo mtaani au wamwue huyo mtoto ili kuepusha kero hapo mtaani.

Hapa pichani (chini ) ni bibi Karla Begley akiwa na mwanae Max.

 

Pichani hapa juu ni mama mzazi wa Max (13) akilia kwa uchungu kufuatia barua.

MFAHAMU PENDO SIMON MWENYE UJUZI KIBAO

 Jina: Pendo Simon
 Ulemavu: Kiziwi
 Elimu: Shahada/Degree

Huyu hapa pichani ni dada mwenye fani mbalimbali ambazo zinamtosha kujitegemea kwenye maisha yake. Pia anaweza akaisaidia jamii kwa namna ambayo wengi wasingeweza kuifikiria. Pendo Simon anaweza, ni mthubutu na mchapa kazi kwa kutumia fani alizonazo.

Fani zake

      Ualimu wa elimu maalum

      Mchoraji wa katuni

      Designer (kama vile T-shirt designs)

Pendo Simon amewahi kufanyia kazi kwenye makampuni na asasi mbalimbali wakati akiwa bado ni mwanafunzi wa chuo kikuu. Kila akipata likizo makampuni na taasisi mbalimbali zilimtafuta ili afanye kazi zao. Kwa sasa amemaliza elimu yake ya chuo kikuu na yuko kwenye kipindi cha kutafuta kazi ya kudumu kwa ajili ya maisha yake na familia yake.

Mtazamo Wangu

Kwa muda mrefu jamii zetu zimekuwa na ubaguzi kwenye eneo la ajira kwa watu wenye ulemavu; mbaya zaidi ni pale mtu mwenye ulemavu alipotazamwa kwa jicho lililokosa ujuzi wa kutathmini uwezo wa mtu. Namkumbuka rafiki yangu mwalimu asiyeona (visually impaired)- ambaye kwa sasa ni Lecturer, ana PhD. Siku aliyokwenda kuripoti kwenye kituo chake cha kwanza cha kazi alikataliwa na wanafunzi pamoja na mwalimu wa taaluma wa shule hiyo kukosa imani naye. Alijitambulisha kisha akawauliza mahali mwalimu wao alipoishia kufundisha. Alitumia dakika 15 kuwaonyesha namna anavyoweza kufundisha, kisha akaaga kuacha hilo darasa. Baada ya dakika 5 akiwa ofisini alifuatwa na wanafunzi, wakamwomba msamaha, halafu wakamtaka aendelee kufundisha.

Ukweli ni kwamba, watu wenye ulemavu wanapopata ujuzi fulani wanautumia kikamilifu, wanakuwa waaminifu kwa taaluma zao, wanakuwa na juhudi ambazo ni za juu sana. Jamii inatakiwa kufahamu kuwa watu wenye ulemavu wanachangia maendeleo kwa familia zao, kwa jamii  na kwa taifa  kiujumla.

Pia tukumbuke kuwa mtu mwenye ulemavu anaweza akafundishwa na kuumbiwa stadi anuai sambamba na watu wengine kwenye jamii zetu. Kwa mfano, tunao watu wenye ulemavu, mathalan wasioona, ni walimu kuanzia shule ya msingi mpaka vyuo vikuu. Tena watu wenye ulemavu wana uwezo wa kufanya kazi ambazo tunahisi hawaziwezi. Kitu cha msingi ni kutengeneza mazingira jumuishi na yenye kufikika na watu wote kwenye jamii. Tujumuike kwa pamoja na kwa umoja ili kujenga nchi yetu bila kubaguana.

Tuwe ni watu wa kuona UWEZO wa mtu mwenye ulemavu mbali zaidi ya ULEMAVU alionao, yaani “SEEING ABILITY BEYOND DISABILITY” na tuwe na uwezo na wepesi wa kutathmini stadi za mtu mwenye ulemavu kabla ya kuhoji anachoshindwa kwa kuwa ulemavu si kukosa uwezo, yaani  "DISABILITY IS NOT INABILITY".

"Think Inclusively ~~~ Act Inclusively ~~~ Create an Inclusive Nation".